Kryeministri i Republikës së Kosovës, Albin Kurti, ka reaguar pas lajmit për aksidentin tragjik në Austri, ku tre prej viktimave janë konfirmuar si qytetarë të Kosovës.

Kurti tha se ngjarja i ka tronditur thellësisht dhe shprehu ngushëllimet më të sinqerta për familjet e viktimave dhe të gjithë ata që janë prekur nga kjo humbje.

“Na ka tronditur thellësisht lajmi për vdekjen tragjike të disa personave në Austri. Sipas informacioneve zyrtare nga Ambasada jonë atje, tre prej tyre janë identifikuar si qytetarë të Republikës së Kosovës. Në këto momente të rënda, shpreh ngushëllimet e mia më të sinqerta për familjet e viktimave dhe të gjithë ata që janë prekur nga kjo humbje e madhe. Qeveria e Republikës së Kosovës është në komunikim të ngushtë me Ambasadën tonë në Vjenë për të ofruar gjithë mbështetjen e nevojshme”, shkroi Kurti./Arbresh.info